MANGARAP AT KUMILOS
ni Ramon B. Miranda
Nais mong maabot lipunang malaya
Ibig mong makamit kaginhawaan ng madla
Nangarap kang ang lupa’y ibigay sa timawa
At masaganang buhay para sa manggagawa.
Paano mo mararating ang pangarap na ito
Kung bulag ka sa nangyayari sa paligid mo
Tainga mo nama’y bingi sa karaingan ng tao
Di mo pinapansin ang kanilang pagsusumamo.
Pananaw mo sa buhay, bakit ba ganyan?
Nais mong tumulong ikaw nama’y nag-aalinlangan
Ikaw ba’y natatakot iyong karapata’y ipaglaban?
O iniisip mo lamang ang sarili mong kapakanan?
Kung sa dibdib mo’y takot ang namamahay
Pangarap mong lipunan di maipagtatagumpay
Kaya nakasalalay sa iyong mga kamay
Taos-pusong pakikilahok sa pakikibaka ng buhay.
Kaibigan halina’t mag-aral at mag-isip
Tayo nang bumangon sa pagkakaidlip
Karapatan natin kailangang masagip
Sa kuko ng mapagsamantala, gahaman at sipsip.
Sa sistemang bulok, huwag aksayahin
Itong kinabukasang tinataglay natin
Ang ating mga teorya’y dapat pagyamanin
Buhay ay gugulin sa magandang adhikain.
Gawaing pagmumulat ay mahirap talaga
Sanlaksang pilosopo sa iyo ay dadagsa
Kung magtitiyaga ka lamang sa pag-oorganisa
Hanay ay mabibigkis, lipunan ay lalaya.
Nasa pagkilos ang ating paglaya
Hindi sa pangarap at patunga-tunganga
Kung hindi ngayon, kailan pa
Kaya kilos na, baka masayang ka!
- nalathala sa magasing Maypagasa noong 1999
MARAMI SA ATIN AY GUSTONG GUMINHAWA ANG BUHAY. KAAKIBAT NG GINHAWA AY ANG PAKIKIBAKA PARA MAKAMIT ITO. NGUNIT ANG ILAN SA ATING MGA KABABAYAN AY PIPILIIN NA LANG NA "HUWAG NA LANG" MAKIALAM AT SARILI NA LANG INTERES ANG KANIYANG AT UPAGIN. PERO KUWIDAW KA, KAPAG NAGIGIPIT AT NAKARARANAS NG PANG-AAPI, SAKA PA LAMANG NIYA MARI-REALIZE NA KAILANGAN NIYA PALA ANG MGA TAONG NAKAPALIGID SA KANIYA UPANG SIYA AY MATULUNGAN. WALA NAMAN TALAGA TAYONG MAAASAHANG TUTULONG SA ATIN KUNDI ANG ATING MGA SARILI, ANG ATING PAGTUTULUNGAN AT PAGKAKAISA. DAHIL ITO ANG MABISANG SANDATA UPANG MAISALBA ANG ATING MGA KABUHAYAN, KARAPATAN AT KAGALINGAN. HINDI NAMAN ITO IBIBIGAY NG MGA NAGHAHARI SA LIPUNAN. ITO AY IPINAKIKIPAGLABAN.
TumugonBurahin